Almatylyq dárigerler jadyn joǵaltqan naýqastyń týystaryn izdeýde
ALMATY. QazAqparat – Almatydaǵy №4 qalalyq klınıkalyq aýrýhana dárigerleri jeti aıdan beri aýrýhanada jatqan naýqastyń týystaryn tabýǵa kómek suraıdy, dep habarlaıdy QazAqparat tilshisi.
2019 jyldyń aqpanynda №4 qalalyq klınıkalyq aýrýhanasynyń ınsýlt ortalyǵyna «Ishemııalyq ınsýlt» dıagnozymen naýqas kelip tústi. Eýropalyq kelbettegi áıeldiń jasy shamamen 50-de.
«Aýrýhanaǵa túskende áıeldiń jaǵdaıy ortasha deńgeıde dep baǵalandy, klınıkalyq dárigerler qajetti medıtsınalyq kómektiń barlyq kólemin usyndy. Qazirgi ýaqytta naýqastyń jaǵdaıy qanaǵattanarlyq dep baǵalanady», - dep habarlady vedomstvoda.
Búgingi kúni oǵan statsıonarlyq kómek qajet emes, klınıka dárigerleri naýqasty úıine shyǵara almaı otyr.
«Sizderden áıeldiń týystaryn tabý úshin aqparat taratýlaryńyzdy suraımyz. Jeke kýáligi bolmaǵandyqtan, naýqasty Almaty qalalyq áleýmettik beıimdeý ortalyǵyna aýystyrý múmkin bolmaı otyr»,- deıdi aýrýhanadaǵylar.
