Almatylyq dárigerler toq soqqan jumysshynyń jaǵdaıy týraly aıtty
ALMATY. QazAqparat - Almatyda jer qazý jumystary barysynda toq soqqan 1994 jyly týǵan er adamnyń jaǵdaıy áli de aýyr. Bul týraly QazAqparat qalalyq Densaýlyq saqtaý basqarmasynyń baspasóz qyzmetine silteme jasap habarlıdy.
«Almatyda qurylys kezinde toq soqqan er adam №4 qalalyq klınıkalyq aýrýhanada emdelýde. Oǵan «ІІ dárejeli elektrjaraqaty» dıagnozy qoıylǵan. Qazirgi ýaqytta emdelýshiniń jaǵdaıy aýyr, biraq turaqty. Oǵan qajetti barlyq keshendi em-sharalar jasalýda. Atap aıtqanda, maı jaǵý, ınfýzııa jáne bakterııaǵa qarsy terapııa júrgizilip jatyr. Jalpy, dınamıka boıynsha naýqastyń jaǵdaıy ońala túskeni baıqalady», delingen habarlamada.
Aıta keteıik, 11 qazan kúni Almatyda jer qazý jumystary júrgizilip jatqan jumysshyny toq soqqan bolatyn.
Oqıǵa kýágeri Indıra Hametchına jer qazý jumystary barysynda jarylys bolǵanyn aıtqan. Jarylystan sol jerdegi jumysshylardyń birin kúıik shalǵan. Al jedel járdem stansasynyń baspasóz qyzmeti jarylys bolǵanyn joqqa shyǵarǵan bolatyn .
