Almatylyq dárigerler poıyzdyń tóbesinde selfı jasaǵan jasóspirimniń jaǵdaıyn aıtty
ALMATY. QazAqparat - Almaty dárigerleri poıyzdyń tóbesinde selfı jasaǵan kezinde toqqa urynyp, aman qalǵan jasóspirimniń jaǵdaıyn aıtty, dep habarlaıdy QazAqparat tilshisi.
«2007 jyly týǵan S. esimdi naýqas 27 jeltoqsan kúni medıtsınalyq jedel járdem brıgadasymen №4 qalalyq klınıkalyq aýrýhananyń qabyldaý bólimine jetkizildi. Elektr jaraqaty dıagnozymen tústi. Ol balalarǵa shuǵyl medıtsınalyq kómek kórsetý ortalyǵyna aýystyryldy. Qazirgi ýaqytta balanyń jaǵdaıy óte aýyr. Anestezıologııa, reanımatsııa jáne ıntensıvti terapııa bóliminde jatyr, jasyna sáıkes ıntensıvti terapııa alýda», - dep málimdedi Almaty qalasynyń qoǵamdyq densaýlyq basqarmasynda.
Eske salsaq, 27 jeltoqsanda Almaty stantsııasyndaǵy qabyldaý-jóneltý parkinde selfı jasap júrgen eki jasóspirim joǵary kerneýli tok razrıadyn aldy. Olardyń biri sol jerde qaıtys boldy.
