Almatylyq dárigerler ókpesiniń 90 paıyzy zaqymdanǵan zeınetkerdi aman alyp qaldy
ALMATY. QazAqparat - Almatylyq dárigerler ókpesiniń 90 paıyzy zaqymdanǵan 72 jastaǵy zeınetkerdi qutqaryp qaldy, dep habarlaıdy QazAqparat tilshisi.
Naýqas koronavırýs juqtyryp, aýyr jaǵdaıda ekijaqty pnevmonııamen aýrýhanaǵa túsken.
Vedomstvonyń málimetinshe, 72 jastaǵy áıel Almatynyń Ortalyq qalalyq klınıkalyq aýrýhanasyna aýyr halde jetkizilgen. KT tekserý kezinde ókpeniń ekijaqty polısegmenttik zaqymdanýyn kórsetti. Sonymen qatar, ókpeniń 90 paıyzy qabynǵany anyqtaldy.
Statsıonarda 6 kún bolǵannan keıin naýqastyń oń aıaǵynda aýyrsyný paıda boldy.
Dárigerler shuǵyl túrde aıaqtyń tómengi jaǵyna ýltradybystyq zertteý júrgizdi. Oǵan varıkozdy-trombroflebıti dıagnozy qoıyldy. Naýqasqa krossektomııa otasy jasaldy.
«Krossektomııa - bul aıaqtyń tamyrlaryna jasalatyn hırýrgııalyq operatsııa. Ota kezinde teri astyndaǵy úlken tamyr men onyń sannyń kóktamyryna quıatyn orny anyqtaldy (bólindi). Sannyń kóktamyrynan 0,5-1,5 sm aralyqta teri astyndaǵy tamyrdy, sondaı-aq onyń barlyq salalary baılandy. Barlyq manıpýlıatsııalar óte muqııat júzege asyrylady, óıtkeni jambas arterııasy jaqyn ornalasqan. Onyń ústine, uıyǵan qannyń teri astyndaǵy tamyrdan jambasqa qaraı aýysý qaýpi bar. Operatsııa shamamen 1,5 saǵatqa sozyldy. Ota sátti ótti», - deıdi Ortalyq qalalyq klınıkalyq aýrýhanasynyń hırýrgi Nurlybek Amangeldın.
16 kún boıy naýqas KVI-dan aýrýhanada emdeldi jáne operatsııadan keıin tósek rejıminde boldy. Dárigerlerdiń úılesimdi is-áreketteriniń arqasynda ǵana búginde ol ambýlatorııalyq baqylaýdan keıin jaǵdaıy jaqsaryp, úıine shyǵaryldy.
