Almatylyq dárigerler murynnan qan ketýmen aýyratyn patsıentke operatsııa jasady

ALMATY. QazAqparat- №7 qalalyq klınıkalyq aýrýhananyń ınterventsııalyq hırýrgtary murynnan úzdiksiz qan ketýmen aýyratyn patsıentke operatsııa jasady. Dárigerler hırýrgııanyń az ınvazıvti ádisin - murynnan qan ketý kezinde syrtqy uıqy kúretamyrynyń tarmaqtaryna embolııa engizdi, dep habarlaıdy QazAqparat tilshisi.

Medıtsına mekemesiniń baspasóz qyzmeti málim etkendeı, patsıenttiń jasy 50 –de. Aýrýhanaǵa túsken kezdegi jaǵdaıy- murynnan jıi qan ketý, álsizdik, bas jáne júrek aınýy boldy. Gemoglobınniń kórsetkishi-45 g/l, erkekterde bolýy tıisti mólsher 130-140 g / l.

Buǵan deıin ambýlatorııalyq jaǵdaıda jáne aýdandyq aýrýhanada qysqa merzimdi áser beretin tıisti emdik manıpýlıatsııalar júrgizildi. Patsıenttiń murynynan qan ketýin toqtatý maqsatynda aldyńǵy jáne artqy dáke tamponadasy ornatyldy. Biraq tampondy alyp tastaǵannan keıin, qannyń aǵýy qaıta paıda bolatyn.

«Almaty qalasynyń №7 Qalalyq klınıkalyq aýrýhanasyna kelgennen keıin patsıent s shuǵyl túrde operatsııa aldyndaǵy daıyndyqtan ótkennen keıin birden ınterventsııalyq aralasýǵa alyndy,-dep habarlady №7 QKA-nyń baspasóz qyzmeti.

Dárigerlerdiń aıtýynsha, bul operatsııanyń ereksheligi-ol pýnktsııa arqyly jasalady, ıaǵnı tamyr arqyly endovaskýlıarlyq qol jetimdilik múmkindigi bar. Bul óte sırek jasalatyn operatsııa túri. Atalǵan ota hırýrgtan zergerlik uqyptylyqty, matematıkalyq dáldik pen muqııat esepteýdi talap etedi. Qabattasqan syrtqy uıqy kúretamyry ishki uıqy kúretamyrynyń janynda ornalasqan, bul mı kúretamyrynyń jabylýyna ákelýi múmkin. Bul qajetti kúretamyrǵa iriktep ótýdi qajet etedi. Operatsııanyń biregeıligi men kúrdeliligi osynda.

«Jambas arterııasy arqyly biz muryn qýysynyń artqy qabyrǵasyn qanmen qamtamasyz etetin syrtqy uıqy kúretamyryna iriktep kirdik. Týra sol aýmaqtan, arnaıy embolalarmen qan aǵynyn embolııa engizdik, naqtyraq aıtqanda jaýyp tastadyq. Angıografııa kezinde osy aýmaqtyń ásirese sol jaq tamyrlardyń gıper-vaskýlıarızatsııasyn kórdik. Biz eki jaǵynan endik, eki jaqtan qan aǵynyn toqtattyq, únemi qan ketýi toqtady. Budan keıin muryn qýysyndaǵy tampon dereý alyp tastadyq. Operatsııadan keıin, árıne, uıyndy qan 2 kún boıy shyqty, biraq burynǵydaı sozylmaly qan ketýi bolǵan joq. Patsıentke qan tamyzyldy, gemoglobın 90 g/l deıin kóterildi. Operatsııadan keıin 5-shi kúni úıine shyqty. Búgin patsıenttiń jaǵdaıyn bilý úshin qońyraý shaldym. Ol bala sekildi qýanyshyn jasyrmady. Árıne, bul óte jaqsy. Patsıent ózin jaqsy sezinedi, quramynda temir bar preparattardy qabyldaýdy jalǵastyrýda»,- dedi №7 QKA-nyń ınterventsııalyq hırýrgııa jáne arıtmologııa bólimshesiniń meńgerýshisi Sáken Anartaev.

Murynnan qan ketýdiń negizgi sebepteri:

jaq-bet aýmaǵynyń jaraqattary men isikteri;

muryn qýysynyń shyryshty qabatynyń atrofııasy, sonyń ishinde murynǵa tamyr taryltqysh dárilerdi baqylaýsyz qoldaný saldarynan;

murynnyń qurylymdaryna hırýrgııalyq aralasý;

qan aýrýlary;

arterııalyq gıpertenzııa

esirtkini muryn arqyly ıiskeý

qurǵaq úı aýasy

ottegi ydysyn úzdiksiz paıdalaný jáne t.b.