Almatylyq dárigerler koronavırýsqa qatysty jańa chellendj bastady
NUR-SULTAN. QazAqparat - Almatylyq dárigerler «Siz úshin jumysta qaldym, siz men úshin úıde bolyńyz» fleshmobyn uıymdastyrdy, dep habarlaıdy QazAqparat.
Mundaı fleshmobtyń uıymdastyrylǵany týraly bloger Polına Shımanskaıa
Instagram paraqshasyna jazdy.
«Nur-Sultanda qalaı ekenin bilmeımin, Almatyda medıtsınalyq qyzmetshilerdiń 80%-y qala syrtynda turady jáne jumys mańynan páter jaldaýǵa jalaqylary jetpeıdi. Olarǵa shynymen jumys ornynda ómir súrýlerine týra keletin sııaqty. Túsinistikpen qaraıyq», - deıdi ol.
Eske sala ketsek, buǵan deıin Aqmola oblysynyń jastary koronavırýs ınfektsııasy taralýynyń aldyn alý maqsatynda «Meniń podezim - meniń densaýlyǵym» chellendjin bastaǵany týraly jazǵan bolatynbyz.
