Almatylyq dárigerler koronavırýs indetin juqtyrǵan 81 jastaǵy qarııaǵa operatsııa jasady
ALMATY. QazAqparat – Ortalyq qalalyq klınıkalyq aýrýhananyń dárigerleri «Kishi urshyqtyń jyljýy jáne úzilgen sol jaq jambas súıeginiń jabyq syrǵymaly urshyqtyq synýy» dıagnozy qoıylǵan 1939 jyly týǵan K. esimdi er adamǵa operatsııa jasady, dep habarlaıdy QazAqparat tilshisi.
Densaýlyq saqtaý basqarmasynyń málimetinshe, patsıent Ortalyq qalalyq klınıkalyq aýrýhanaǵa №7 qalalyq klınıkalyq aýrýhanasynan aýystyrylǵan, onda ony tekserip qaraý kezinde koronavırýs ınfektsııasy anyqtalǵan. Sondaı-aq, mıdyń qan aınalymy buzylýynan patsıentte oń jaqty gemıparezi paıda bolǵan. Sol aıaǵymen tirep júrip júrgen qarııanyń aýrýy asqynyp ketken, sondyqtan ota jasaýǵa týra keldi.
«Budan basqa, naýqasta júrektiń ıshemııalyq aýrýy, arterıaldyq gıpertenzııa sııaqty qosymsha aýrýlary da boldy. Dárigerler ony bir apta operatsııaǵa daıyndap, búgin koronavırýs ınfektsııasyn juqtyrý qaýpimen baılanysty epıdemıologııalyq shekteýler jaǵdaıynda barlyq sanıtarlyq-epıdemıologııalyq talaptardy saqtaı otyryp, «jabyq repozıtsııa, sol jaq jambas súıeginiń Gamma ózegi osteosıntezi» operatsııasyn jasady. Bizdiń dárigerler obaǵa qarsy kostıýmde, maska men kózildirik taǵyp, tynys alý qıyn jaǵdaılarda, operatsııa jasady»,– deıdi bas dárigerdiń mindetin atqarýshy Gúlnar Qulqaeva.
Operatsııa bir saǵattan astam ýaqytqa sozyldy.
«Árbir operatsııa, tipti qarapaıym jaǵdaıda da – bul kásipqoı komandanyń úılesimdi jumysy. Bizdiń alǵashqy operatsııamyz ortopedııa bólimshesiniń meńgerýshisi Qanat Táńirbergenuly Táýekelovtyń basshylyǵymen ótti. Almaty qalasy boıynsha koronavırýs ınfektsııamen aýyratyn naýqastarǵa osyndaı operatsııalar tek bizdiń klınıkamyzda ǵana jasalatynyn aıta ketken jón» – dedi Gúlnar Qulqaeva.
Aıta keteıik, Ortalyq qalalyq klınıkalyq aýrýhana 3 mamyrdan bastap juqpaly aýrýlar statsıonary rejıminde jumys istep jatyr.
