Almatylyq dárigerler bir kúnde 4 naýqastyń kózine kúrdeli operatsııa jasady
Emdeý mekemesiniń baspasóz qyzmeti málim etkendeı, operatsııa kóz torshasynyń qabattalýy, gemoftalm, katarakta dıagnozdary bar patsıentterge jasaldy.
Gemoftalm – bul kórý organynyń polıetıologııalyq aýrýy, ol qan tamyrlary men shynydan qan ketýdiń buzylýyna baılanysty damıdy
«Bul jabdyqta kózdiń kózburshaǵyna, sondaı-aq, kóz almasynyń artqy jaǵyndaǵy kesindisine shuǵyl aralasýmen jasaldy. Jańa apparat patsıentke bir ýaqytta quramaly operatsııa júrgizýmen erekshe. Biz bir kúnde 4 naýqastyń kózine kúrdeli operatsııa jasadyq», - dedi Ortalyq qalalyq klınıkalyq aýrýhananyń oftalmologııa bólimshesiniń meńgerýshisi Gúlzat Abraımova.
Endi Ortalyq qalalyq kılınkalyq aýrýhananyń oftalmologtary Almaty qalasynyń turǵyndaryna kezinde kóz aýrýlarynyń ǵylymı-zertteý ınstıtýtynda ǵana júrgizilgen, aýyr, joǵary tehnologııalyq operatsııalardy jasaı alady.
Jańa jabdyq - oftalmologııalyq hırýrgııa úshin AQSh-taǵy jetekshi óndirýshileriniń birinde jasaldy .
«Munda kóptegen fýnktsııalar bar. Atap aıtsam, qysymdy baqylaý jáne joǵary jyldamdyqta dálme- dál kesý, lazermen sáýlelendirý. Bul kúrdeli operatsııany jyldam jasaýǵa septigin tıgizedi. Tigýsiz tehnologııany patsıent jeńil kóteredi» -, dedi dáriger.
