Almatylyq dárigerler bıikten qulap ketken er adamǵa kúrdeli ota jasady
Ortalyq qalalyq klınıkalyq aýrýhananyń baspasóz qyzmeti málim etkendeı, emdeý mekemesine úıdiń úshinshi qabatynan qulap, aýyr jaraqat alǵan er adam tústi.
Dárigerler oǵan jabyq mı jaraqaty, jambas súıeginiń qyzmeti buzylǵan degen dıagnoz qoıdy.
Klınıka dárigerleri oǵan joǵary tehnologııalardyń kómegimen kúrdeli ota jasaý týraly sheshim qabyldady.
Jambas súıeginiń osteosıntezi dep atalatyn operatsııay Travmatologııa bóliminiń hırýrgi Nurjan Nuraly jasady.
2,5 saǵatqa sozylǵan ota mindetti áleýmettik medıtsınalyq saqtandyrý paketi sheńberinde jasaldy.
«Synyqtyń mundaı kúrdeli túrine gıps salǵannan paıda joq. Buryn mundaıda konservatıvti ádis qoldanylatyn. Biz gıpske balama bolyp tabylatyn osteosıntezdeý operatsııasyn jasadyq. Ol patsıentti otadan keıin ekinshi kúnnen bastap aıaqqa turǵyzýǵa múmkindik beredi. Ota kezinde súıek synyqtary plastınalarmen jáne vınttermen bekitiledi. Em jaqsy nátıje berdi, naýqas ekinshi kúni otyra aldy. Úshinshi kúni arnaıy qurylǵyǵa súıenip júrdi. 12 kúnnen keıin patsıent aýrýhanadan shyqty, ambýlatorlyq deńgeıde em qabyldap jatyr», - dedi maman.
Dárigerdiń aıtýynsha, joǵary tehnologııalyq ota súıekterdiń tez arada ári durys birigýine múmkindik beredi. Sonyń arqasynda patsıent birneshe aptadan keıin qıyndyqsyz júrip ketedi.
Medıtsınalyq saqtandyrý qory Almaty fılıaly dırektory Tileýhan Ábildaevtyń sózine súıensek, qazirgi tańda qaladaǵy barlyq aýrýhanalardyń osyndaı kúrdeli operatsııalar jasaýǵa múmkindigi jetedi.
ıAǵnı, azamattar qajetti medıtsınalyq kómekti der kezinde paıdalana alady