Almatylyq dárigerler bıikten qulap ketken 45 jastaǵy turǵyndy aman alyp qaldy

ALMATY. QazAqparat - Almatylyq dárigerler bıikten qulaǵan er adamnyń omyrtqa jotasyna kúrdeli operatsııa jasap, aman alyp qaldy, dep habarlaıdy QazAqparat tilshisi.

Ortalyq qalalyq klınıkalyq aýrýhananyń baspasóz qyzmeti málim etkendeı, emdeý mekemesine 45 jastaǵy er adam tústi. Ol bıikten qulap ketken.

Dárigerler oǵan «julyn fýnktsııasynyń buzylýy men bel omyrtqasynyń 3-satyly asqynǵan synyǵy jáne aıaǵynyń paraperezi (paralıch), jambas organdary fýnktsııasynyń buzylýy, tobyǵynyń synýy» degen dıagnoz qoıdy.

Naýqastyń jaǵdaıy aýyr bolǵandyqtan oǵan shuǵyl túrde operatsııa jasaldy.

«Omyrtqalaryn ımplant (transpedıkýlıar burandalar) arqyly turaqtandyrý úshin hırýrgııalyq operatsııa jasaldy. Osy burandalardy ornatýdyń arqasynda omyrtqa tirek taýyp, senimdi túrde fıksatsııalanady. Transpedıkýlıarly fıksatsııa súıekterdiń qalpyna kelý kezinde bir birimen yǵysyp ketýin boldyrmaıtyndaı durys jáne tez ósýin qamtamasyz etedi. Operatsııa sátti ótti, ekinshi kúni patsıent óz betimen otyra aldy jáne tobyǵynyń synyǵy jazylǵannan soń júre alatyn bolady», - dedi neırohırýrg Ermek Súleımenov.

Operatsııa 2,5 saǵatqa sozyldy.

Dárgerdiń aıtýynsha, mundaı operatsııany júrgizý úshin klınıka barlyq qajjetti joǵary tehnologııalyq jabdyqtarmen qamtylǵan.