Almatylyq dárigerler aýrýy asqynǵan naýqastyń ash ishegine kúrdeli operatsııa jasady
Emdeý mekemesiniń baspasóz qyzmeti málim etkendeı, aldyńǵy ota kezinde ash isheginiń bir bóligi syrtqa shyǵarylǵan patsıenttiń ıleostoma tesigin jabýǵa baǵyttalǵan operatsııa josparly túrde jasaldy.
Dárigerlerdiń aıtýynsha, ıleostoma patsıent úshin belgili bir qıyndyqtar týdyrady.
Stoma jasalǵan naýqas únemi dıeta ustap, úlken dáret jınalatyn qutyny turaqty aýystyryp otyrýy qajet.
Mundaı operatsııalar negizinen patsıenttiń ómir sapasyn jaqsartý maqsatynda jasalady.
«2021 jyldyń maýsymynda patsıentke ishektiń abdomınaldy jabysqaq aýrýy jáne ash ishektiń júrmeı qalýy saldarynan ota jasalǵan. Nátıjesinde naýqastyń jaǵdaıyn jaqsartý úshin jaramsyz bolyp qalǵan ishek kesilip, bir bóligi syrtqa shyǵaryldy. ıAǵnı, medıtsına tilimen aıtqanda sońǵy 8 aı boıy ol ıleostomamen júrýge májbúr bolǵan», - dep atap ótti aýrýhananyń baspasóz qyzmeti.
Hırýrg Nurlan Máýlenovtyń sózinshe aýrýy asqynǵan naýqasqa taǵy bir ota jasaý kerek boldy.
«Biz birden ota jasaý týraly sheshim qabyldadyq. Laparotomııa, enterolız, ish qurylysyna revızııa jasaldy, tazartyldy. Bir sózben, tsırkýlıarly tigý apparatymen ıleostomany joıyp, patsıent densaýlyǵy qalpyna keltirildi. Ota sátti ótti», - deıdi №7 Qalalyq klınıkalyq aýrýhananyń Operatsııa blogy jetekshisi Nurlan Máýlenov.
Operatsııa mindetti áleýmettik medıtsınalyq saqtandyrý sheńberinde jasaldy.
Dárigerdiń aıtýynsha, qazir patsıenttiń jaǵdaıy jaqsy. 11 kúnnen keıin naýqas aýrahanadan shyǵaryldy.
«Ókinishke qaraı, ishtegi tesikpen (stoma) ómir súrýge májbúr bolatyn patsıentter az emes. Olardyń kóbi aqparat tapshylyǵy saldarynan osyndaı rekonstrýktıvtik operatsııa jasaýǵa bolatynyn bile bermeıdi. Dárigerler ıleostomaǵa qaıta ota jasaý týraly sheshimdi patsıenttiń densaýlyq jaǵdaıyna qarap qabyldaıdy», - deıdi mamandar.
