Almatylyq dárigerler 62 jastaǵy áıeldiń ótinen 1730 tas aldy
ALMATY. QazAqparat- Almatyda №7 qalalyq klınıkalyq aýrýhananyń dárigerleri 62 jastaǵy áıeldiń ótinen 1730 dana qıyrshyq tasty alyp tastady, dep habarlaıdy QazAqparat tilshisi.
Emdeý mekemesiniń baspasóz qyzmeti málim etkendeı, patsıent №7 qalalyq klınıkalyq aýrýhanasyna shuǵyl túrde oń jaq qabyrǵa astynyń aýyrsyný belgileri, júrek aıný, qusý, aýyzdyń qurǵap ketý shaǵymdarmen tústi. Medıtsınalyq tekserýden keıin oǵan ót tas aýrýy, jiti kalkýlozdy holetsıstıt dıagnozy qoıyldy. Kelesi kúni, jalpy anestezııamen, zamanaýı az ınvazıvti tehnologııa boıynsha – «Laparoskopııalyq holetsıstektomııa» operatsııasy jasaldy.
«Bul operatsııa meniń rekordymdy jańartty - osy joly tek ót qabynan 1730 tas alyndy. Operatsııa sátti ótti. Densaýlyqty saqtaý jáne ót-tas aýrýlaryna baılanysty asqynýlardyń aldyn alý úshin profılaktıkalyq jáne skrınıngtik tekserýlerden ýaqytyly ótýge keńes beremin»,- deıdi operatsııalyq toptyń jetekshi hırýrgy Musa Sahıpov.
Ótine tas jınaýdan rekord ornatqan patsıent otadan keıin, 4-i kúni úıine shyqty.
