Almatylyq dárigerler 54 jastaǵy er adamdy qutqaryp qaldy

ALMATY. QazAqparat - Almatylyq dárigerler 54 jastaǵy er adamdy ajaldan arashalap qaldy, dep habarlaıdy QazAqparat tilshisi.

Qoǵamdyq densaýlyq saqtaý basqarmasynyń málimetinshe, Ortalyq qalalyq klınıkalyq aýrýhanaǵa shuǵyl túrde 1967 jyly týǵan er adam tústi. Ol oń jaq aıaǵynyń qatty aýyratynyna jáne uıyp qala beretinine shaǵymdandy.

Dárigerler naýqastyń eki jaǵynyń qalypty 1 sm-den 4 sm-ge deıin jambas jaǵynyń myqyn arterııasynyń anevrızmatıkalyq keńeıgenin, sondaı-aq, oń jaqtan trombozben jambas arterııasynyń anevrızmatıkalyq úlkeıgeniń anyqtady. Patsıentke – gangrena dıagnozy qoıyldy.

Naýqas shuǵyl túrde operatsııaǵa alyndy. Sebebi, onyń ómirine qaýip tónip turdy.

«Er adamǵa shuǵyl túrde kelesideı operatsııa jasaldy: Bıfýrkatsııalyq aorta-jambastyq protezdeý 4 saǵatqa sozyldy. Nátıjesinde, aortany jasandy protezge aýystyrdyq. Ota sátti ótti. Búgingi kúni naýqastyń densaýlyǵy turaqty» - dedi OQKA hırýrgııalyq-kóktamyr bólimshesiniń meńgerýshisi Rahman Saparbaev.