Almatylyq dáriger júkti áıelderge tumaýdyń órshýine baılanysty keńes berdi
Spıkerdiń sózinshe, megapolıste JRVI men tumaý syrqatynyń sany artty. Dáriger muny qaladaǵy halyqtyń kóptigimen jáne adamdar kóp jınalatyn oryndardyń jıiligimen túsindirdi.
«Tumaýmen aýyrǵandar kóbeıip keledi. Onyń negizgi shtammdaryna qarsy ımmýnıtet bar. Biraq tumaý shtamdary jyl saıyn mýtatsııaǵa ushyraıdy. Jyl saıyn bizge jańa shtammdary keledi. Sondyqtan tumaýǵa qarsy vaktsına jyl saıyn ózgerip otyrady», - dedi ol.
Raýan Nurkenovtyń aıtýynsha, vırýstar, ásirese júkti áıelder úshin qaýipti.
«Bizge kelgen naýqastar arasynda júkti áıelder de bar. 15-20 paıyz shamasynda. Sáıkesinshe, qazirdiń ózinde maýsymdyq tumaýmen aýyrý júrip jatyr. Júkti áıelder tumaýmen jáne JRVI-men aýyrǵan kezde olarǵa profılaktıkalyq jáne sımptomatıkalyq em kórsetiledi, sonyń arqasynda olardyń jaǵdaıynyń jaqsarýy baıqalady. Antıbıotıkter, eger qazirdiń ózinde asqynýlar bolsa, kórsetkishter boıynsha ǵana taǵaıyndalady. Egde jastaǵy adamdarda asqynýlar jıi kezdesedi, óıtkeni olardyń sozylmaly aýrýlary bar. Al balalardyń ımmýnıteti tolyq qalyptaspaǵan», - dedi spıker.
Aýrýdyń aldyn alý úshin dáriger ımmýnıtetti kóterip, adamdar kóp baratyn jerlerden saq bolýǵa jáne densaýlyqqa kútimmen qaraýǵa shaqyrdy. Ol sportpen shuǵyldanýǵa keńes berdi.