Almatylyq dáriger jasóspirimder men júkti áıelderdi vaktsınalaý qajettigin túsindirdi

ALMATY. QazAqparat - Jasóspirimder men júkti áıelderge «delta» shtammy asa qaýipti. Bul týraly Almatydaǵy №22 emhana bas dárigeriniń orynbasary Aqerke Jomart Óńirlik kommýnıkatsııalar qyzmetinde aıtty, dep habarlaıdy QazAqparat tilshisi.

Almatyda Pfizer (Comirnaty) vaktsınasymen egý naýqany jalǵasýda. Búginde 7300 jasóspirim, 700-ge jýyq júkti áıel jáne 2 400 bala emizetin ana koronavırýsqa qarsy egildi.

«Vaktsınatsııadan bolatyn asqyný qaýpi olar qorǵaıtyn aýrýlardan keıingi asqyný qaýpinen áldeqaıda az. Sondyqtan balalaryn vaktsınatsııalaýdan bas tartqan ata-analar olardy qorǵaı almaıdy, basqa bilim alýshylarǵa qaýip tóndiredi, bul ınfektsııanyń odan ári taralýyna yqpal etedi», - deıdi dáriger.

Dárigerdiń aıtýynsha, búgingi kúni balalar, júkti jáne bala emizetin áıelder arasynda vaktsınalardyń nashar tózimdiligi týraly eshqandaı pikir joq.

Spıker bala emizetin anany vaktsınalaý bala úshin qaýipti emes dep sendirdi.

COVID-19-ǵa qarsy vaktsınalanǵan analarda balany ınfektsııadan qorǵaýǵa kómektesetin antıdeneler qalyptasady.