Almatylyq dáriger revaktsınatsııaǵa qatysty negizgi suraqtarǵa jaýap berdi
– Megapolıste revaktsınatsııa qashan bastalady?
– Almatyda koronavırýsqa qarsy jappaı revaktsınatsııa qarasha aıynyń sońynda bastalady. Eń aldymen sozylmaly aýrýlary bar, ımmýnıteti tómen jáne jasy 65 jastan asqan qart kisilerge úshinshi dozany alý qajet.
Sondaı-aq, revaktsınatsııa medıtsına mamandary, pedagog, jabyq mekeme qyzmetkerlerine jasalady. Úshinshi dozany vaktsınatsııa kýrsynan tolyq ótkennen keıin 6-9 aı aralyǵynda salynady. Revaktsınatsııa úshin ekpeniń tek bir dozasy qoldanylady.
– Revaktsınatsııa ne úshin jasalady?
– Revaktsınatsııa degenimiz - adamdardyń ekpeniń birinshi jáne ekinshi bóliginen keıin alatyn dozasy. ıAǵnı, siz alǵashqy eki dozany alasyz, sodan keıin úshinshi - kúsheıtkish dozasy salynady. Buny revaktsınatsııa dep ataımyz.
Adam aǵzasynda aı saıyn antıdene mólsheri azaıady. Ári koronavırýstyń mýtatsııalanǵan shtamdary da qaýip tóndirýde. Sondyqtan ekpeniń eki komponentin alǵandarǵa revaktsınatsııa jasaýǵa keńes beremin. COVID-19 ońaı ózgerip, mýtatsııalanady bul óte qaýipti.
Osyny esten shyǵarmaý kerek.
– Revaktsınatsııanyń paıdasy bar ma?
– Óz tájirbıemnen aıtsam, bizge ekpe salyndy, medıtsına qyzmetkerleri arasynda aýrýshańdyq deńgeıi óte tómen. ıAǵnı, vaktsınanyń aǵzany qorǵaıtynyn kórip otyrmyz.
Álemdegi epıdemıologııalyq jaǵdaıǵa sáıkes, biz basqa elderde aýrýshańdyqtyń artqanyn, shtammnyń únemi mýtatsııaǵa ushyraǵanyn kórip otyrmyz. Sondyqtan maman retinde revaktsınatsııa qajet dep esepteımin.
Ásirese, aldyńǵy shepte júrgen mamandar men sozylmaly dertke shaldyqqandar úshin.
– Revaktsınatsııanyń janama áserleri bar ma?
– Revaktsınatsııa júrgizilip jatqan elderde ınektsııa salǵan dene bóligi qyzaryp, isinip aýrýy, azdap dene qyzýynyń kóterilýi baıqalady. Mundaı reaktsııalar nusqaýlyqta jazylǵan. Bul qalypty jaǵdaı. Halyqty qanshalyqty tezirek vaktsınatsııalaımyz, soǵurlym aýrýdyń tómendeýi men turaqtanýyna qol jetkizemiz.
– Revaktsınatsııaǵa qarsy kórsetkishter qandaı?
– Revaktsınatsııaǵa qarsy kórsetkishter alǵashqy vaktsınatsııa kezindegi sııaqty, yqtımal jaǵymsyz reaktsııalar. Revaktsınatsııadan buryn dárigerler mindetti túrde tekseredi, sizdiń aǵzańyzdyń bul dozany qabyldaýǵa qanshalyqty daıyn ekenin qaraıdy. Eger qarsy kórsetilimderi bolmasa, egý sharalary júrgiziledi.
– Revaktsınatsııa qaı jerde júrgiziledi?
– Halyqty qaıta vaktsınalaý algorıtmi bar. Vaktsınalaný erikti túrde júredi. Ekpeni qalada jumys isteıtin 137 egý pýnktiniń kez kelgeninen alýǵa bolady. Azamattarǵa koronavırýstyń úshinshi vaktsınatsııasyn vaktsınatsııanyń birinshi kýrsy tolyq aıaqtalǵannan keıin 6-9 aıdan keıin jasaý usynylady.
Antıdene deńgeıin aldyn ala anyqtaý qajet emes. Revaktsınatsııa kezinde «Spýtnık V», «QazVac», «Vero Cell» vaktsınalarynyń qoldanystaǵy túrleri salynady, qazirgi ýaqytta bul ekpeler qalada jetkilikti.
– Rahmet.
