Almatylyq dáriger kúızeliste júrgen azamattarǵa keńes berdi

ALMATY. QazAqparat - Psıholog pen psıhıatrdyń jumysynda aıqyn aıyrmashylyqtar bar. Bul týraly Óńirlik kommýnıkatsııalar qyzmetiniń alańynda psıhoterapevt Anastasııa Sadovskaıa aıtty, dep habarlaıdy QazAqparat tilshisi.

Onyń aıtýynsha, aldymen, mamanǵa ne sebepti júginýdi qalaıtynyńyzdy anyqtap alý qajet. Sodan keıin tańdaý jasaý kerek. Eń qarapaıym sheshim – emhanadaǵy ýchaskelik terapevtke barý. Ol óz kezeginde psıhologqa nemese psıhoterapevtke joldaıdy.

«Bizdiń eldegi psıhologtardyń klınıkalyq bilimi joq. Bul pedagogıka mamandyǵy. Ol psıhıkalyq saý adamdarmen aınalysady, otbasyndaǵy máselelerdi, janjaldardy túzetedi. Psıhoterapevt – klınıkalyq bilimi bar maman. Ol depressııamen, mazasyzdyqpen, psıhosomatıka shaǵymdarymen, sozylmaly syrqattarmen, táýeldilikpen jumys isteı alady. Psıhıatrǵa medıkamentozdy korrektsııany taǵaıyndaý qajet bolǵan kezde júginedi», - deıdi psıhoterapevt.

Sonymen qatar dáriger kúızelisti qalaı anyqtaýǵa bolatynyn aıtty.

«Kúızelisti oılaý jáne fızıkalyq belsendiliktiń tómendeýi arqyly anyqtaýǵa bolady. Adam óziniń tábetiniń ózgergenin, uıqy qashqanyn nemese alańdaýshylyqty sezinedi. ıAǵnı, kúsh- jigeri tómendeıdi. Kúızelistiń klınıkalyq kórinisi ártúrli. Bul rette, qazirgi álemde klassıkalyq depressııalar kemde-kem, mamandar sozylmaly syrqattar asqynatyn somatızatsııalanǵan kúızelistermen jıi kezdese bastady»,- dedi Anastasııa Sadovskaıa.