Almatylyq dáriger Kavasakı sındromyna baılanysty ata-analarǵa eskertý jasady
ALMATY. QazAqparat – Almatylyq ınfektsıonıst dáriger álemde Kavasakı sındromynyń taralýyna baılanysty ata-analarǵa balalaryna baqylaýdy kúsheıtý kerektigin aıtty, dep habarlaıdy QazAqparat tilshisi.
Óńirlik kommýnıkatsııalar qyzmeti alańyndaǵy onlaın-suhbat barysynda Almaty qalalyq balalar klınıkalyq ınfektsııalyq aýrýhanasynyń dáriger-sarapshysy, balalar juqpaly aýrýlary kafedrasynyń meńgerýshisi, medıtsına ǵylymdarynyń doktory, professor Ǵalııa Quttyqojanova, ata-analardan balalar arasyndaǵy aýrýdyń aldyn alýǵa jaýapkershilikpen qaraýdy surady.
«Ata-analar balalarmen kóp jerlerde júrmeýi kerek, syrtqy baılanystardy azaıtyp, maska taǵý kerek. Kóshede tamaq ishpeý, gıgıenany saqtaý, ımmýnıtetti arttyrý qajet. Asqynǵan jaǵdaıda ózin – ózi emdeýmen aınalyspaı, dárigerlerge júginý kerek»,– dep eskertti G. Quttyqojanova.
Epıdemıologııalyq turaqsyzdyq kezeńinde sanıtarlyq talaptardy elemegen jaǵdaıda balalarda aýyr asqynýlar bolýy múmkin.
«Sáýir aıynan keıin jańa sındrom - Kavasakı paıda boldy. Bul sındrom jıi kezdespeıdi, biraq óte aýyr aýrýlarǵa jatady. Covid-19-ben baılanysty bolýyna kúdik bar. Kavasakı aýrýy-bul bezgek, kem degende 5 kún bolady. Sonymen qatar, kelesi belgiler bar: kózdiń qyzarýy, aýyz qýysynyń shyryshty qabyǵynyń gıperemııasy, erinniń zaqymdanýy, bórtpe, murynnyń qabyrshaqtanýy, aıaq - qol men tabannyń isinýi jáne gıperemııasy (qyzarýy), moıyn lımfa túıinderiniń ulǵaıýy», - dedi ol.
Sonymen qatar, ol balalarda Kavasakı belgileri tolyq baıqalmaýy múmkin ekenin atap ótti. Alaıda, júrek asqynýyn boldyrmaý úshin olardy ajyratý jáne emdeýdi bastaý qajet jáne antıbıotıkterdi jónsiz paıdalanbaý kerek.
«Balalarǵa vırýsqa qarsy preparattardy qoldaný usynylmaıdy. Balalarǵa sımptomatıkalyq em qoldaný kórsetiledi. Aýrýdyń belgileri jáne vırýstyń aǵzalardaǵy áreketi nátıjesinde paıda bolǵan protsester emdeledi. Kavasakı sındromy paıda bolǵan kezde toptyń konsılıýmyn júrgizý qajet. Oǵan ınfektsıonıster, revmatologtar, kardılogtar jáne reanımatologtar kirýi tıis», - dedi G.Quttyqojanova.
Sonymen qatar, ol 1-2 synyp oqýshylaryna oqýdyń ereksheligine baılanysty mektepke kúndizgi bólimde barýǵa ruqsat etiletinin atap ótti.
Sonymen qatar, ol 1-2 synyp oqýshylaryna oqýdyń ereksheligine baılanysty mektepke kúndizgi bólimde barýǵa ruqsat etiletinin atap ótti.
« Meniń oıymsha, 3-4 synyp oqýshylary muǵalimderin kórdi, mektepte bilmi aldy. Sondyqtan olar qashyqtan oqı alady. Al 1-2 synyp oqýshylary saqtyq sharalaryn saqtap, oqýy kerek», - dep tolyqtyrdy dáriger.
