Almatylyq dáriger qala turǵyndaryn maska rejımin saqtaýǵa shaqyrdy
ALMATY. QazAqparat - Almatydaǵy №19 qalalyq emhananyń bas dárigeri Kámshat Aıtqazına onlaın brıfıng barysynda azamattardy koronavırýs ınfektsııanyń taralýyn boldyrmaý úshin maska kııýge jáne áleýmettik araqashyqty saqtaýǵa shaqyrdy, dep habarlaıdy QazAqparat tilshisi.
Onlaın brıfıng barysynda bas dáriger koronavırýstyń negizgi belgileri dene qyzýynyń kóterilýi, jótel, entigý jáne jalpy álsizdik ekenin eske saldy.
«Jiti respıratorlyq vırýstyq ınfektsııasy bar adamdardan aýlaq bolǵan abzal.Sonymen qatar, adamdar kóp jınalatyn oryndarǵa meıilinshe barmaǵan jón. Kóshede, qoǵamdyq kólikte, saýda oryndarynda jalpy barlyq jerde maska rejımin saqtap, áleýmettik araqashyqty esten shyǵarmaý kerek. Únemi antıseptıkti qoldanyp, jeke bastyń gıgıenasyn saqtaý kerek. Jedel respıratorly vırýstyq aýrýdyń belgileri paıda bolǵan kezde shuǵyl túrde medıtsınalyq kómekke júginýimiz kerek», - dedi ol.
