Almatylyq dáriger COVID-19-dyń balalarǵa áserin aıtty
«Syrqattanǵanda balalarda sharshaý, álsizdik, bas aýrýy, tumaý ispettes, dene qyzýynyń kóterilýi, asqa tábeti bolmaýy, deneniń ish bóliginiń aýrýy baıqalady. Sonda da, balalar eresekterge qaraǵanda juqpaly vırýstan jeńil ótedi»,-dedi maman.
Maııa Shegebaevanyń aıtýynsha, balalardyń ókpesi koronovırýstan zaqymdanǵan faktiler bolǵan emes. « COVID-19 balalardyń joǵary tynys alý joldaryn (muryn, aýyz qýysy, tamaq) zaqymdaıdy. Sol sebepti sýyq tıgen tárizdi aýyrady (dene qyzýynyń kóterilýi, muryn bitelýi, tamaqtyń aýrýy nemese ashýy). Pnevmonııamen aýyrǵan balalar bolǵan joq. ıAǵnı, úlkenderge tóngen qaýip balalarǵa tónbeıdi», - dedi Maııa Shegebaeva.
Alaıda, syrqattan keıingi sındrom balalarda da bolady. Sol sebepti ýchaskelik dárigerge qaralǵan jón. Óıtkeni, keıde koronavırýstan keıingi sındrom balalardy uıqysyzdyqqa, býyndardyń aýyrýyna, asqazan dertine ákep soǵýy múmkin. Sondaı-aq, júrek tusy aýyrady. Dáriger- terapevtiń aıtýynsha, eger bala densaýlyǵynda koronovırýstan keıin osyndaı áserler paıda bolǵan jaǵdaıda aýrýhanaǵa jiberiledi. Sonymen qatar, qalalyq jáne respýblıkalyq balalar shıpajaıy bar. Balalar sol jerde beıimdeýden ótedi.
«Beıimdelý úshin qımyl- qozǵalys tártibin saqtaý kerek, durys tamaqtanyp, massaj alý qajet. Bala tynys alý jattyǵýlaryn jasaýy, emdik dene shynyqtyrý, jeke psıhoterapııa, fızıoterapııa, medıksıentozalyq terapııa, fıtoteoapııa alýy tıis. Beıimdeý kýrsy 14 kúnge sozylady. Sondaı-aq, JRJV-dan keıin de balalardy osyndaı beıimdeý ortalyǵyna jiberemiz. Bronhıaldy astma, nevrologııalyq, gastroentorologııalyq jáne kardıologııalyq patologııasy bar balalar da beıimdeý ortalyǵynda em alady»,-dedi Maııa Shegebaeva.
Terapevtiń aıtýynsha, eń bastysy balalardy aýrýdyń aldyn alýǵa tárbıeleý kerek.
«Balabaqsha, mektepke barǵanda, úıge kelgende únemi qoldy jýýǵa úıretý, dezınfektsııalyq suıyqtyq pen sýly maılyqtardy qoldanýǵa daǵdylandyrý. Qandaı ortada bolsyn tazalyq saqtaýǵa úıretýimiz qajet»,-dedi maman. Qazirgi ýaqytta balalarǵa quramy baı dárýmender berý kerek. Ásirese, A, V dárýmenderi paıdaly.
