Almatylyq boıjetkennen Denge bezgeginiń qozdyrǵyshy tabylmady
ALMATY. QazAqparat Almatylyq kelinshekten Denge bezgeginiń qozdyrǵyshy anyqtalmady. Bul týraly QazAqparat tilshisine qalalyq Densaýlyq saqtaý basqarmasynyń baspasóz hatshysy Leıla Keńesbaeva aıtty.
«Buǵan deıin boıjetken Taıland elinde demalyp kelgen. Almatyǵa kelgen soń 10 kún ótpeı-aq, ystyǵy kóterilip dáriger shaqyrtqan. Dárigerler Denge bezgeginiń juqpasy bolýy yqtımal degen qaýippen ony tekserýden ótkizdi. Zerthanalyq taldaýlardan soń odan Denge bezgeginiń qozdyrǵyshy tabylǵan joq», - dedi L. Keńesbaeva.
Medıtsına mamandary tropıkalyq elderde demalýshylarǵa atalǵan juqpaly dertten abaı bolýyn eskertti.
