Almatylyq boıjetkendi 27 mln teńgege aldap ketken balger ustaldy
ALMATY. QazAqparat –Reseılik balger almatylyq qyzdy 27 mıllıon teńgege aldap ketken, dep habarlaıdy QazAqparat tilshisi.
Polıtsııa departamentiniń habarlaýynsha, jábirlenýshi «balgerdi» taqyryptyq saıt arqyly taýyp, odan Reseıden Almatyǵa kelip «sıqyr áreketterin» jasaýdy suraǵan.
«Reseılik 40 jastaǵy áıel arbaý arqyly, jábirlenýshiniń senimine kirip 27 mıllıon teńgesin alyp ketken», - dep habarlaıdy polıtsııa departamenti.
Qazirgi tańda Salıma esimdi balger ustalyp, ýaqytsha tergeý ızolıatoryna qamaýǵa alyndy. Kúdiktiniń ústinen QRQK 190 baby 2 bóligi boıynsha qylmystyq is qozǵalyp, sotqa deıingi tergeý amaldary júrgizilip jatyr.
