Almatylyq bıznesmen mýzyka mektebine jańa sport alańyn salyp berdi
ALMATY. QazAqparat - Almatyda bıznesmen «Týǵan jer» baǵdarlamasy aıasynda K. Baıseıitova atyndaǵy daryndy balalarǵa arnalǵan respýblıkalyq mamandandyrylǵan mýzykalyq orta mektep-ınternatyna jańa sport alańyn salyp berdi, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasap.
«Táýelsizdik jyldary qazaqstandyq bıznes aıtarlyqtaı nyǵaıdy, sonyń arqasynda búgingi kúni naqtyly áleýmettik bastamalardy júzege asyra alady. Prezıdenttiń «Týǵan jer» baǵdarlamasyna qoldaý bildire otyryp, biz mektepke jańa sport alańyn syılaýdy uıǵardyq. Oqýshylar budan bylaı tek shyǵarmashylyq baıqaýlarda ǵana emes, sporttyq dodalarda da jeńiske jetsin», - dedi kásipker Erbolat Qasymov.
Oqý ornynyń dırektory Ońdasyn Abdýllaev shyǵarmashylyq pánder boıynsha kúnine 5 saǵat daıyndalatyn balalarǵa dene shynyqtyrýmen aınalysýdyń mańyzdy zor ekenin aıtty.
Jańa sport kesheni jobasynyń quny 29 mln. teńge.
Aıta keteıik, Kúlásh Baıseıitova atyndaǵy mýzyka mektebi 1948 jyly ashylǵan. Mekteptiń oqý korpýsy 480 oqýshyǵa arnalǵan, mektep janyndaǵy ınternatta 110 oqýshy turady, balalarǵa 187 pedagog dáris beredi.
