Almatylyq bıznesmen aq aıýdyń týǵan kúnine «baspana» syılady

ALMATY. QazAqparat Almatylyq bıznesmen Sergeı Spıtsyn aq aıýdyń týǵan kúnine «baspana» syılady. Bul týraly Almaty zoobaǵynyń baspasóz hatshysy Aıgerim Nııazbekova QazAqparat tilshisine aıtyp berdi.

Almaty zoobaǵynyń ejelgi turǵyny 28 jastaǵy Alkor esimdi aq aıý úshin arnaıy salynǵan volerde barlyq qajetti talaptar saqtalǵan.

«Volerde salqyndatylǵan bólme, tabıǵı gazon, basseın bar. Basseın sýy avtomatty túrde muzdatylyp turady. Beton eden mármár tósemege aýystyryldy», - dedi Aıgerim Nııazbekova.

Sondaı-aq, Gosha, Dasha, Sezim esimdi múıiztumsyqtar da jańa «baspanaǵa» kóshedi. Volerdi kúrdeli jóndeýden ótkizýge máslıhat depýtaty Muhıt Ázirbaev pen belgili qurylys kompanııasynyń basshylary kómektesken.

Baspasóz hatshysynyń aıtýynsha, jaqynda zoobaqqa kireberistegi výmaq múmkindigi shekteýli azamattardyń erkin qozǵalýyna jaǵdaı jasaıtyn pandýstarmen jabdyqtaldy.