Almatylyq bilim salasynyń mamandary mektep biliminiń bolashaǵyn talqylady
«Meniń oıymsha, búgingi kúni mektepter úsh tildi bilim berýge ázir emes. Muǵalimderdiń ózi daıyn emes. Aǵylshyn tilin jetik bilmeıtin ustaz taqyrypty ashyp, balalarǵa túsindire almaıtyny anyq. Pedagog bul sabaqtyń qyr-syryn jáne ádistemesin tolyq ıgerýi qajet. Sondyqtan, eń aldymen muǵalimderdi oqytyp, daıyndaý kerek. Buǵan biraz ýaqyt ketedi. Biraq, osy qadamǵa barýǵa tıispiz. Sebebi, aǵylshyn tiline suranys joǵary. Qazirgi ǵylymı jańalyqtar aǵylyshyn tilinde shyǵyp jatyr, balalar halyqaralyq baıqaýlarǵa qatysýǵa quqyly. Bul máselege atústi qaraýǵa bolmaıdy. Bilimdi reformalaýdy aldymen muǵalimderden bastaǵan jón», -deıdi TAMOS mektebiniń dırektory Lıdııa Shapovalova.
Bolashaqta úshtildilikti damytý qajet degen pikirge «Respýblıkalyq fızıka-matematıka» mektebiniń dırektory Almaz Kúnǵojın de qosylady.
Halyqaralyq sarapshy, TAMOS Education akademııalyq damytý jónindegi dırektory Koller-Výds Pol úshtildilik jas muǵalimderdi daıarlaýdan bastalýy kerek dep esepteıdi.
«Qazaqstanda úshtildilikti engizýdi josparlaǵanda men shymkenttik ýnıversıtetterdiń birinde oqytýshylar men professorlarǵa aǵylshyn tilinen sabaq berdim. Sonda menen bári: «Biz nege aǵylshyn tilin úırenýimiz kerek, biz 20-30 jyl boıy óz ana tilimizde sabaq berip-aq, úlken jetistikterge qol jetkizdik, aǵylshyn tili qanshalyqty qajet?» dep suraıtyn. ıAǵnı, muǵalimderdiń ózi bul tilge nemquraıly qaraıtyn. Aǵylshyn tilin meńgerýge yntalary bolmady, úırenbedi. Olardyń eshqaısysy emtıhanan ótpedi. Meniń oıymsha, Bilim mınıstrligi qarajatty jas ustazdarǵa jáne bolashaq muǵalimderge salý kerek», - deıdi Koler-Výds Pol.
