Almatylyq begemottyń qalyńdyǵy Frantsııadan ushyp keledi
ALMATY. QazAqparat - Almaty zoobaǵy betasharǵa daıyndalyp jatyr. Búgin zoobaqtyń turǵyny begemot Djamboǵa Frantsııadan qalyńdyq ushyp keledi, dep habarlaıdy QazAqparat tilshisi.
«Lottı jolda ushyp kele jatyr! Asa iri janýarlarǵa jol júrý óte aýyr! Talap boıynsha Lottı 30 kún karantınge jabylady. Keıin Djambo usynys bildirgen soń ǵana betashar bolady», - dep jazdy Instagramda zoobaqtyń burynǵy dırektory Erjan Erkinbaev.
Munyń aldynda Almaty zoobaǵynyń ákimshiligi Djambo men jolbarys Ýrmanǵa qalyńdyq izdestirip jatqanyn habarlaǵan edi.
Teńbil jyrtqyshqa Reseıdiń Habarovsk zoobaǵynan Taıga esimdi ólekshin (urǵashy jolbarys-avt.) jetkiziletin boldy.
