Almatylyq basketbolshylar erler komandalary arasyndaǵy Qazaqstan kýbogyna jarysty sátti bastady
ALMATY. 20 naýryz. QazAqparat - Almatydaǵy «Dostyq» sport kesheninde basketboldan erler komandalary arasynda Qazaqstan kýbogy úshin báseke ótip jatyr.
Ol keshe «Almaty» men «Tıgry-KATÝ» (Astana) komandalarynyń arasyndaǵy oıynmen bastalǵan bolatyn. Bul kezdesýde jarys qojaıyndary astanalyq qurdastarynan 75:63 esebimen (20:14, 12:14, 19:19, 24:16) basym tústi. Onda almatylyqtar namysyn - Baýyrjan Nurlanuly, Rústem Myrzaǵalıev, Sergeı Volk, Aleksandr Pashkov, Maksım Otbozın, Vasılıı Savchenko men Roman jáne Maksım Marchýkter qorǵaǵan bolatyn. Olar búgin endi bir kún tynyǵyp, kelesi oıynyn erteń Qostanaıdyń «|Tobyl» basketbolshylarymen ótkizedi. Búgin «Tıgry-KATÝ» men «Tobyl», «Barystar» (Atyraý) men «Astana» ózara kúsh synasady.
