«Almatylyq» basketbolshylar alǵashqy kezdesýde «astanalyqtarǵa» ese jiberdi
ALMATY. 27 qańtar. QazAqparat - Keshe Almatydaǵy «Dostyq» sport kesheninde basketboldan Ulttyq lıgadaǵy erler komandalary arasyndaǵy «Almaty» men «Astana» komandalarynyń alǵashqy kezdesýi ótti.
Onda Igor Tıhonenko jattyqtyratyn almatylyqtar qonaqtarǵa 68:85 (16:24, 17:32, 20:20, 15:9) esebimen ese jiberdi. Búgin olar ekinshi oıynyn ótkizbek. Endi bul saıysta da astanalyqtar basym tússe, almatylyqtardyń týrnır kestesindegi jaǵdaıy burynǵydan da qıyndaı túsýi múmkin. Óıtkeni olar qazirdiń ózinde besinshi satyda tek Almaty oblysynyń «Qapshaǵaı» komandasynan ǵana joǵary tur.
