Almatylyq basketbolshy qyzdar pavlodarlyqtardan oısyraı utyldy
ALMATY. 4 naýryz. QazAqparat - Almatyda 2-3 naýryz kúnderi basketboldan áıelder arasynda HHІ Qazaqstan chempıonatynyń Ulttyq lıgadaǵy "Almaty" men "Ertis-PNHZ1" komandalarynyń oıyndary ótti.
Alǵashqy synda alań ıeleri 33:119 esebimen pavlodarlyqtarǵa oısyraı utylǵan edi. Keshegi ekinshi kezdesýde de 43:86 esebimen jeńilis tapty.
Qazir týrnır kestesinde pavlodarlyqtar 82 paıyzdyq kórsetkishpen top bastap kele jatyr. Olar 14 oıynda basym túsip, 3 oıynda ǵana jeńilis tapty. Al 12 oıynda mereıi ústem bolyp, 5 oıynda jeńilis tapqan Astananyń "Jolbarystary" 70,6 paıyzdyq kórsetkishpen ókshelep kele jatyr. Keshegi sátsizdikke qaramastan "almatylyqtar" 26,7 paıyzben úshinshi orynda tur. Almatylyqtar 4 oıynda jeńip, 11 oıynda utylsa, 4 kezdesýde utyp, 15 kezdesýde jeńilis tapqan Kókshetaýdyń "Oqjetpesi" 21,1 paıyzdyq kórsetkishpen tórtinshi oryndy qanaǵat tutýda. Olar astanalyqtardan osy kúnderi óz alańyndaǵy saıysta 65:87 jáne 66:106 esebimen súringen edi.
