Almatylyq áıel jedel járdem kóliginde bosanyp qaldy
ALMATY. QazAqparat – Feldsherler jol ústinde tolǵaǵy qysqan kelinshekti bosandyryp aldy, dep habarlaıdy QazAqparat tilshisi.
Tolǵaǵy qysqan almatylyq kelinshek jedel járdem shaqyrtqan. Úıine kelgen feldsherler júkti kelinshekti tekserip, ony perzenthanaǵa alyp ketedi. Kóliktiń ishinde kelinshektiń tolǵaǵy jıilep, sábı jolda dúnıege keledi.
Feldsherler áıeldi jedel járdem kóliginiń ishinde bosandyryp, kindigin kesip, sodan keıin bosanǵan áıel men jańa týǵan náresteni perınataldy ortalyqqa jetkizedi. Akýsherler olardyń jaǵdaıyn qanaǵattanarlyq dep baǵalady. Dúnıege salmaǵy 3,1 keli, boıy 54 sm ul bala keldi.
Óz kezeginde jańa bosanǵan kelinshek feldsher Ravıl Azızov pen Baratjan Rembakıevke alǵys bildiredi.
