Almatylyq áıel ulyn óltirip, artynan ózine qol jumsady

ALMATY. QazAqparat - Almaty turǵyny 12 jastaǵy ulyn óltirip, artynan ózine qol jumsady, dep habarlaıdy QazAqparat tilshisi.

Almaty qalalyq Polıtsııa departamentiniń málimetinshe, 1981 jyly týǵan áıel óziniń 12 jastaǵy ulyn pyshaqtap óltirip, keıin óz-ózine qol jumsaǵan.

Atalǵan derek Almaly aýdanynyń polıtsııa basqarmasynda QR Qylmystyq kodeksiniń 99-baby «Adam óltirý» boıynsha tirkeldi.

«Sondaı-aq áıeldiń burynǵy kúıeýine ishine jyn kirip, ulyn sonyń qolymen óltirgeni týraly aýdıo habarlama joldaǵany anyqtaldy. Biraz ýaqyttan keıin er adam burynǵy áıeliniń úıine kelip, ekeýiniń denesin tapqan»,- dep habarlady Almaty qalalyq Polıtsııa departamentiniń baspasóz qyzmeti.

Er adamnyń aıtýynsha, onyń burynǵy áıeli sońǵy aılarda psıhıkalyq aýrýmen aýyrǵan.

Qazirgi ýaqytta atalǵan fakti boıynsha tıisti saraptamalar taǵaıyndaldy.