Almatylyq aıaqdopshylar Túrkııaǵa attandy
ALMATY. 7 qańtar. QazAqparat - Búgin Almaty qalasynyń «Qaırat» fýtbol klýbynyń oıynshylary Túrkııaǵa attanady.
Onda olar 8-23 qańtar kúnderi aralyǵynda jańa maýsymǵa daıyndyq barysyndaǵy oqý-jattyǵý jıynyn ótkizedi. Slovakııalyq bas bapker Vladımır Vaıss jattyqtyratyn almatylyqtar buǵan deıin Belek qalasynda 9-22 jeltoqsan kúnderi alǵashqy ázirligin ótkizgen bolatyn. Onda olar 14 jeltoqsan kúni ótken joldastyq matchta Qaraǵandynyń «Shahter» komandasynan (2:0) basym túsip, 17 jeltoqsanda Reseıdiń Nalchık qalasynyń «Spartak-Nalchık» komandasymen (0:0) teń tústi.
Ekinshi jıynǵa attanar aldynda komanda basshylary jartylaı qorǵaýshy Rýslan Saqalbaevpen kelisimshartty 3 jylǵa uzartty. Buǵan deıin V.Vaıss aldymen komandanyń qazirgi quramyn elekten ótkizip, legıonerlermen kelisimshartty uzartý-uzartpaý máselesin sheshemiz degen bolatyn.
