Almatylyq aıaqdopshylar Túrkııada zaporojelik qurdastarymen kezdesip 2:1 esebimen basym tústi
ALMATY. 20 aqpan. QazAqparat - Túrkııada jańa maýsymǵa daıyndyq kezindegi sońǵy oqý-jattyǵý jıynyn ótkizip jatqan Almatynyń «Qaırat» fýtbol klýby Zaporoje qalasynyń «Metallýrg» komandasymen alǵashqy baqylaý matchyn ótkizdi.
Onda Vladımır Vaıss jattyqtyratyn almatylyqtar Ýkraına Premer-lıgasynda óner kórsetetin qurdastarynan 2:1 esebimen basym tústi. Sergeı Zaıtsev jattyqtyratyn zaporojelikter ótken maýsymda Birinshi lıgada óner kórsetip, Premer-lıgaǵa 2012/2013 jyldardaǵy qazirgi maýsymǵa qaıta oralǵan bolatyn.
«Qaırat» endi kelesi baqylaý oıynyn 23 aqpan kúni ótkizbek. Olardyń bul jolǵy qarsylasy da ýkraındyq komanda bolmaq. Ol Birinshi lıgada oınaıtyn Sevastopol qalasynyń «Sevastopol» fýtbolshylary bolǵaly otyr. Oleg Kononov baptaıtyn bul komanda quramynda Serbııa, Lıtva, Polsha, Grýzııa, Nıgerııa legıonerleri óner kórsetedi.
