Almatylyq aıaqdopshylar Túrkııada odessalyq qurdastaryna ese jiberdi
ALMATY. 1 aqpan. QazAqparat - Keshe Túrkııadaǵy oqý-jattyǵý jıyny kezinde Almatynyń «Qaırat» fýtbol komandasy Odessanyń «Chernomorets» aıaqdopshylarynan 0:3 esebimen jeńilis tapty.
Ýkraınalyq qaqpashy Dmıtrıı Bezotosnyıdyń qaqpasynan sańylaý taba almaǵan almatylyqtar óz qaqpasyna jaýapsyz 3 dop engizip aldy. Onda Roman Grıgorchýk jattyqtyratyn ýkraın fýtbolshylary sapynan oıynnyń alǵashqy jartysynda albanııalyq shabýylshy Elıs Bakaı 4-shi mınýtta kózge tústi. Al ekinshi taımda brazılııalyq qorǵaýshy Anderson Santana 54-shi mınýtta, ýkraınalyq shabýylshy Anatolıı Dıdenko 86-shy mınýtta esepti 3:0-ge jetkizdi.
«Chernomorets» komandasy 1992, 1993/94 jyldary Ýkraına kýbogynyń ıegeri, al 1994/95, 1995/96 jyldary Joǵary dıvızıonda el chempıonatynyń kúmis júldegeri atanǵan bolatyn. 2010/2011 jylǵy maýsymda Birinshi dıvızıonǵa túsip qalyp, 2011/2012 jylǵy maýsymda Joǵary dıvızıonǵa qaıta oralǵan odessalyqtardyń bas bapkeri tizginin 2011 jyldan beri Roman Grıgorchýk ustap keledi.
