Almatylyq aıaqdopshylar Túrkııada Belorýs Joǵary lıgasynyń qola júldegerimen joldastyq kezdesý ótkizýde
ALMATY. 6 aqpan. QazAqparat /Erlik Erjanuly/ - Búgin Túrkııada kezekti oqý-jattyǵý jıynyn ótkizip jatqan «Qaırat» fýtbol klýby Belorýstiń «Gomel» komandasymen joldastyq kezdesý ótkizip jatyr.
Oleg Kýbarev jattyqtyratyn gomeldikter 2003 jyly Belorýssııa chempıony, 1999, 2011 jyldary qola júldeger, al 2001/2002, 2010/2011 jylǵy maýsymda Belorýs kýbogynyń ıegeri jáne 2003/2004 jylǵy maýsymda kúmis júldeger atanǵan bolatyn. Bıyl bas bapkerlik tizgindi Dmıtrıı Ogaıǵa ustatqan almatylyqtar Grýzııa joǵary lıgasynda óner kórsetetin «Dıla Gorı» komanlasyna 0:2 esebimen ese jibergen edi. Olar endi 9 aqpanda Serbııanyń Birinshi lıgasynda oınaıtyn «Teleoptık» komandasymen kúsh synaspaq.
