Almatylyq aıaqdopshylar Sankt-Peterborda jasóspirimder arasyndaǵy halyqaralyq týrnırge qatysyp jatyr
ALMATY. 24 qańtar. QazAqparat /Erlik Erjanuly/ - Búgin Sankt-Peterbor qalasynda 1994 jyly týǵan jasóspirimder arasynda fýtboldan Gennadıı Popovıchtiń qurmetine arnalǵan halyqaralyq týrnır bastaldy.
Onda el namysyn Almatynyń «Tsesna-94» komandasy qorǵaýda. «Zenıt» fýtbol klýbynyń sporttyq ınternatynyń bazasynda ótip jatqan bul týrnırge reseılikterden ózge Qazaqstan, Lıtva jáne Malı respýblıkalarynan 8 komanda qatysýda.
Almatylyq fýtbolshylar alǵashqy oıynyn búgin Sankt-Peterbordyń «Kolomıagı» komandasymen ótkizýde. Olardyń óz tobyndaǵy kelesi qarsylastary jarys qojaıyndarynyń Daryndy balalarǵa arnalǵan balalar men jasósprimderdiń sporttyq mektebiniń «Zenıt» jáne Lıtvanyń Vılnıýs qalasynyń «Rotalıs» komandalary bolmaq. Eger olar bul synda úzdik shyqsa Sankt-Peterbordyń «Lokomotıv», «Neva» jáne Máskeýdiń «Torpedo» men Malı quramasy baq synaıtyn birinshi toptyń jeńimpazdarymen júldeli oryndar úshin talasýǵa múmkindik alady. Onda aqtyq oıyndar 29 qańtarda ótpek. Buǵan deıin Almatylyq «Tsesna-94» ótken jyly qarasha aıynda Tashkentte «Pahtakor» ardagerlerin eske túsirýge arnalǵan halyqaralyq týrnırde kúmis júldeger atanǵan bolatyn.
