Almatylyq aýrýhanalar Biryńǵaı ulttyq densaýlyq saqtaý júıesi boıynsha qyzmet etýge daıyn - E.Dúrimbetov
ALMATY. Qańtardyń 15-i. QazAqparat / Ádilet Musahaev / - Búgin Almaty densaýlyq saqtaý basqarmasynyń basshylary baspasóz máslıhatyn ótkizip, 2010 jyldyń 1-shi qańtarynan bastap engen Biryńǵaı ulttyq densaýlyq saqtaý júıesi tóńiregindegi birqatar suraqtarǵa jaýap berdi,
dep habarlaıdy QazAqparat.
Almaty qalasy densaýlyq saqtaý basqarmasynyń bastyǵy Erkin Dúrimbetovtyń aıtýynsha, endi qalanyń jergilikti turǵyndary óziniń qalaǵan aýrýhanasyna, tańdaǵan dárigerine baryp qarala alady. Ol úshin aldymen turǵylyqty jerindegi aýrýhana tirkeýinen shyǵyp, kóńilinen shyqqan aýrýhanasyna baryp tirkelýi qajet.
«Bul júıeniń negizgi maqsaty - emdelýshilerge sapaly em berip, dárigerlerdiń para alýyna jol bermeý. Emdelýshilerdi kóptep qabyldaǵan aýrýhanaǵa jáne dárigerge soǵurlym qarajat ta kóbirek bólinetin bolady. Qazirgi ýaqytta halyqtyń emdelýine, dárigerlerdiń eńbegine memlekettik bıýdjetten 20 paıyzdaı qarajat bólindi», deıdi E. Dúrimbetov.
Sondaı-aq ol aýyldan kelgen adamdar qalalyq aýrýhanǵa tek aımaqtyq sharttar boıynsha ǵana tirkeletindigin jetkizdi. Qalada jumys istep júrgen, oblystyq bıýroda tirkelgenderdiń ǵana qaralýyna múmkindigi bar.
