Almatylyq áskerıler soǵys ardageri Anatolıı Popovty 97 jasymen quttyqtady

ALMATY. QazAqparat – Almatylyq áskerıler soǵys ardageri Anatolıı Popovty týǵan kúnimen quttyqtady, dep habarlaıdy QazAqparat Qorǵanys mınıstrligine silteme jasap.

Anatolıı Nazarovıch 1926 jyly 13 qańtarda Almaty oblysynyń Qaskeleń qalasynda dúnıege kelgen. Mektepte oqyp júrgen kezinde ásker qataryna shaqyrylady. Baltyq maıdanynda soǵysyp, bólimsheniń baılanysyn qamtamasyz ete bildi.

Soǵystan keıin Qarýly Kúshter qatarynda qyzmetin jalǵastyryp, Saratovtaǵy áskerı medıtsına fakýltetin bitirdi. 30 jyldan astam Almaty qalasynyń sanıtarlyq-epıdemıologııalyq stantsııasynda jumys istedi. 1986 jyly qurmetti demalysqa shyqqannan keıin qoǵamdyq qyzmet atqardy.

Foto: t.me/modgovkz