Almatylyq ardagerler týraly «Batyrlar jyry» atty derekti fılm túsirildi

ALMATY. Mamyrdyń 6-sy. QazAqparat /Erbol Azanbek/ - Búgin Almatyda Uly Otan soǵysynyń ardageri Eremeı Estrınniń stsenarııi boıynsha túsirilgen «Batyrlar áni» atty derekti fılmniń tanystyrylymy ótti,

dep habarlaıdy QazAqparat.

Derekti fılmniń keıipkerleri qazirgi kezde aramyzda ómir súrip jatqan qarapaıym maıdangerler. Derekti fılmde olar soǵys týraly, ondaǵy dostyq, adamgershilik týraly óz pikirlerin, ómirlerin ortaǵa salady. Derekti fılm Almaty qalalyq máslıhatynyń depýtaty Oleg Pechenıktiń qoldaýymen túsirilgen. Onyń aıtýynsha, derekti fılm ardagerler men jastarǵa syı retinde jasalǵan. «Bıylǵy jyly Jeńis kúnin toılaý erekshe mańyzǵa ıe. Elbasy Qazaqstan halqyna Joldaýynda ardagerlerge erekshe kóńil bólip, 65 jyldyq merekeni erekshe atap ótý týraly tapsyrma berdi. Qazirgi kezde bul baǵytta úlken sharalar atqarylyp jatyr. Búgingi derekti fılmniń tusaý keseri de osy maqsatta ótkizilip otyr», deıdi O.Pechenık.