Almatylyq ardagerler senbilikke shyqty

ALMATY. Sáýirdiń 3-i. QazAqparat /Erbol Azanbek/ - Búgin Almatynyń Almaly aýdanynyń ardagerleri senbilikke shyqty, dep habarlaıdy QazAqparat.

Senbilikti uıymdastyrǵan Almaly aýdandyq ardagerler keńesi ókilderiniń aıtýynsha, Uly Jeńistiń 65 jyldyǵyna ardagerler daıyndyqty osylaı bastaýdy jón kórgen. Ardagerler bul isterin naýryz merekesiniń qurmetine de arnaǵanyn aıtady. Óıtkeni naýryzdyń kelýimen jer-álem jańaryp, jańa ómir bastalǵandaı bolady.

4 myńǵa jýyq adam qatysqan senbilikte Saıran kóliniń aýmaǵy tazalanyp, retke keltirildi. Egde tartqanyna qaramastan, abattandyrý jumystaryna belsene aralasqan ardagerler bul isteriniń jas urpaqqa úlgi bolatynyn aıtady.