Almatylyq ardagerler «Aq altyn toıyn» atap ótti
ALMATY. Mamyrdyń 15-i. QazAqparat /Erbol Azanbek/ - Almatynyń Medeý aýdanynyń turǵyndary 90 jastan asqan erli-zaıypty Mıhaıl Kants pen Anna Golıshevanyń shańyraq qurǵandaryna 65 jyl toldy. Búgin osy sırek oqıǵa aýdan kóleminde atalyp ótildi, dep habarlaıdy QazAqparat.
1945 jyly ekinshi dúnıejúzilik soǵystan jeńispen oralǵan Mıhaıl men Anna sol jyly nekeleri qıylyp, shańyraq kóterdi. Sodan bergi 65 jylyn birge ótkizgen baqytty otbasy búgin aýdan ákimdiginiń uıymdastyrýymen «Aq altyn toıyn» atap ótti. Toıǵa qatysqan aýdan ákimi Mahambet Beıdalı qýanysh ıelerine qaıtadan neke saqınasyn taǵyp, syılyq tabystady. Bir qyzyǵy qos karııanyń 1945 jyly alǵan neke kýáligi de saqtalǵan bolyp shyqty. Qos qarııanyń qyzyq toıyn búgin úılengen birneshe jas otbasy da bólisti. Aýdan ákimi olarǵa da neke júzigin taǵyp, baǵaly syılyq tabys etti. «Jas januıalarǵa osy eki qarııanyń aq altyn toıyndaı toı jazsyn». degen tilek bildirdi Mahambet Beıdalı. Al qos qarııa bolsa jas otbasylarǵa aq tilek arnap, Allanyń bergen ómirin osylaı jubymyz jazylmaı ótkizsek degen tilekterin bildirdi.
Shara sońy búgingi Halyqaralyq otbasy kúnine oraı №2 perzenthanada jalǵasty. Onda perzenthanadan shyǵatyn analar men sábılerdi bas dáriger jáne aýdan basshylary quttyqtap, olarǵa saltanatty túrde týý týraly kýálik jáne syılyq tabys etti.
