Almatylyq alpınısterdi qutqarý jumystary jalǵasýda
ALMATY. QazAqparat - Qyrǵyzstan taýlarynda alpınısterdi qutqarý operatsııasy jalǵasýda. Bul týraly Almaty ákimi Saǵyntaev Instagram paraqshasynda jazdy, dep habarlaıdy QazAqparat tilshisi.
«Qyrǵyzstan taýlarynda qutqarý operatsııasy jalǵasýda. QR Qorǵanys mınıstrliginiń úsh áskerı alpınısi Han Táńiri shyńynan tómen ornalasqan «Qarqara» bazalyq lagerine jetkiziledi. Osy jerden olar «Qazavıaqutqarýdyń» MI-703 (171) tikushaǵymen shekaradan ótetin «Kegen» pýnkti arqyly Qyrǵyzstannyń Ystyqkól oblysyndaǵy Qarakól qalasyna jiberiledi. Qutqarý otrıady joǵalǵan alpınıster tirkelgen «AK-SAI TRAVEL» týrkompanııasynyń lagerine barady. Olar qajetti qondyrǵylarmen tolyq jabdyqtalǵan. Qutqarýshylardyń shyńǵa shyǵýda tájirıbe jınaqtaǵan naǵyz mamandar ekenin atap ótkim keledi. Topty Maqsut Jumaev basqarýda»,- dep jazdy Almaty ákimi.
Esterińizge sala keteıik, osyǵan deıin almatylyq alpınıster tobynyń joǵalyp ketip, bireýiniń qaıtys bolǵanyn jazǵanbyz.
Keıinirek joǵalǵan alpınısterdiń biriniń qyzy áleýmettik jeli arqyly qalyń kópshilikten kómek surady.
