Almatylyq aǵaly-qaryndasty ekeý eldi aldaýmen aınalysyp kelgen
ALMATY. QazAqparat - Almatyda eldi aldap aqsha tabýmen aınalysqan aǵaly-qaryndasty alaıaqtar ustaldy. Bul týraly qalalyq ІІD baspasóz qyzmeti habarlady.
Áýezov aýdandyq ІІB málimetinshe, 27 jastaǵy Zarına Átembaeva men 37 jastaǵy Erik Seıitbaı adamdarǵa kezeksiz baspana alyp beremin dep aldaǵan.
«Boıjetken ózin ákimdik qyzmetkerimin dep tanystyryp, kezeksiz baspana alyp berýge ýáde bergen. Óziniń qyzmeti úshin ol 1 myń dollardan bastap aqsha alyp otyrǵan. Qarajatty onyń aǵasy Erik alady. Búginde olardyń áreketinen 2 adam zardap shekkeni anyqtaldy. Olardyń sany odan da kóp bolýy múmkin», - dedi aýdandyq ІІB basshysy Baqyt Qasabekov.
