Almatylyq 9 kompanııa «Qazaqstannyń úzdik taýary» respýblıkalyq kórmesine qatysady
ALMATY. QazAqparat - Almatyda «Qazaqstannyń úzdik taýary» qalalyq kórmesi ashyldy, dep habarlaıdy QazAqparat tilshisi.
Kelýshiler nazaryna jeńil ónerkásip, taǵam jáne jıhaz, kólik quraldaryn shyǵaratyn kásiporyndardyń ónimderi qoıyldy. 
«Óndiristik maqsattaǵy úzdik taýarlar», «Halyqqa arnalǵan úzdik taýarlar», «Úzdik azyq-túlik taýarlary» atalymdary boıynsha 9 jeńimpaz respýblıkalyq kórmede baǵyn synaıtyn bolady. 
«Qatysýshy kompanııalarǵa qoıylatyn talaptar da belgili. Eksport kórsetkishi bolý kerek. Taýarlarǵa aryz-shaǵymdar joq bolýy shart. Sondaı-aq, óndirýshilerde noý-haý, jańalyqtar, patentter bolsa quba qup», - dedi qalalyq kásipkerler palatasynyń sarapshysy Lıýbov Alekseeva.
Aıta ketý kerek, kórme-baıqaýdyń fınaldyq jeńimpazyn Memleket basshysy Nursultan Nazarbaev marapattaıdy.
