Almatylyq 75 jastaǵy sportshy 7 rekord ornatpaqshy
ASTANA. QazAqparat - Almatylyq 75 jastaǵy Jan Ata qala turǵyndaryn taǵy bir tańǵaldyrdy. Ol bes kelilik metall súımenimen jatyp syǵymdap kóterý jattyǵýyn 11 111 ret oryndady. Sportshy buǵan bes saǵat ýaqytyn jumsady. Qazirgi kezde aqsaqal Gınnestiń rekordtar kitabyna ótinim berýge daıyndalýda, dep habarlaıdy «Ekspress-K».
Jan Ata «shynyqsań-shymyr bolarsyń» qaǵıdatymen ómir súrip, kúnine eki-úsh ret jattyǵady. Aqsaqal adamnyń jasy ulǵaısa da, sporttyq erlikterge qabileti bar ekenin kórsetti. Birinshi rekordyn sonaý 1992 jyly 4 444 ret otyryp-turý jattyǵýyn jasap ornatqan. Ótken jyly sportshy alty kelilik aǵash kesegin 9 000 ret basynan joǵary kóterdi. Buǵan sportshy 4 saǵat 22 mınýt ýaqytyn jumsady. Kelesi rekordy shamamen jarty jyldan keıin tirkelgen. Jan Ata 3 saǵat 3 mınýttyń ishinde 5 105 ret otyryp-turý jattyǵýyn oryndaǵan.
Jan Ata barlyǵy jeti rekord ornatpaqshy. Atap aıtqanda, ol «Medeýge» kóteriletin ataqty baspaldaqpen qolymen «júrip» barmaqshy. Budan basqa, rekord ornatýshy adam boıynda soqqydan aýyrý sezimin úsh-bes metr qashyqtyqta týdyrta alatynyn kórsetpek. Sýpermen bul ádisin erik bildirgen úsh tilshi arqyly kórsetpekshi.
