Almatylyq 30 ardagerge "Belarýs Respýblıkasynyń nemis-fashıst basqynshylarynan azat bolǵanyna 65 jyl» merekelik medali tapsyryldy
dep habarlaıdy QazAqparat.
Atalǵan medal Uly jeńistiń 65 jyldyǵy qarsańynda Belarýs Respýblıkasynyń prezıdenti Aleksandr Lýkashenkonyń jarlyǵymen jasalyp, Belorýssııany azat etýge qatysqan barlyq ardagerlerge tapsyrylýy tıis bolatyn. Elimizdegi belarýstyq mádenı ortalyǵynyń aımaqtyq jetekshisi Sergeı Sazonovtyń aıtýynsha, bundaı medal qazir kózi tiri 4 myń ardagerge berilýi tıis. Al Qazaqstanda bul medaldy 400-den astam adam ıelenbek. Al Almaty qalasy boıynsha 50 ardagerge beriledi. Buǵan deıin bul medaldi 20 almatylyq ardager alǵan bolatyn. Búgingi shara barysynda Belorýssııany azat etýge qatysqan 30 almatylyq merekelik medaldiń ıesi atandy. Merekelik medaldy tapsyrǵan elimizdegi Belarýs mádenı ortalyǵynyń ókilderi ardagerlerge Belarýs Prezıdenti men halqynyń atynan alǵys aıtyp, merekelik kontsert qoıdy.
