Almatyǵa jyl saıyn kem degende 200 jańa avtobýs qajet
ALMATY. QazAqparat – Almatyǵa jyl saıyn kem degende 200 jańa qoǵamdyq kólik qajet, dep habarlaıdy QazAqparat tilshisi.
«Jyl saıyn bizge 200 jańa avtobýs kerek, avtobýstar 7 jylǵa deıin qyzmet etedi. Alaıda bizdiń taýly aımaq pen aýa raıyn eskersek - 5 jyl. Tańerteń reısterdiń jıiligi az, aıaladamalarǵa adam kóp jınalady. Avtobýs 120 adamǵa arnalǵan, biraq oǵan 150 adam otyrady. Qoǵamdyq kólikter tozady. Almatydaǵy avtobýstar 5 jylǵa jýyq ýaqyt júrýi kerek dep sanaımyn», - dedi «AlmatyElektroTrans» JShS bas dırektory Ǵanı Tájıev baspasóz máslıhatynda.
Sonymen qatar, ol kelesi jyly kompanııa bıýdjetten 300 avtobýsqa qarajat bólýdi suraǵanyn, biraq onyń sanyn 200-ge deıin qysqartqanyn aıtty.
«Búgin biz 120 avtobýsqa qarjy-ekonomıkalyq qujatty daıyndap jatyrmyz. Onyń ishinde 12 metrlik - 100 avtobýs, taýly marshrýttar boıynsha - 20 avtobýs. Jalpy, kelesi jylǵa bizge 300 avtobýs kerek», - dedi spıker.
Qazirgi tańda Almatyda 10-nan astam avtobýs parki bar.
