Almatyǵa jyl basynan beri 22 myńǵa jýyq shetel azamaty kelgen
Almaty qalalyq kóshi-qon qyzmeti basqarmasynyń bastyǵy Ashat Býtýnchınovtyń aıtýynsha, qalada kóshi-qon zańnamasyn buzý derekterin anyqtaý men zańsyz kóshi-qon arnalaryn joıý jedel aldyn alý is-sharalary turaqty túrde ótkizilip keledi.
«Jyl basynan beri 6472 adam ákimshilik jaýapqa tartylsa, sonyń 1738-i -shetel azamaty. 248 sheteldikke ákimshilik hattama toltyrylyp, elden shyǵaryldy. Polıtsııa departamentiniń qabyldap-taratý bólimine jeke basyn kýálandyratyn qujaty joq 365 shetel azamaty ornalastyryldy. Sheteldik jumys kúshin paıdalaný erejelerin buzǵan 47 jumys berýshi ákimshilik jaýapqa tartyldy. Sondaı-aq, jyl basynan beri zańsyz kóshi-qonnyń 11 arnasy anyqtaldy», – dedi Almaty qalalyq PD kóshi-qon qyzmeti basqarmasynyń bastyǵy Ashat Býtýnchınov.