Almatyǵa jańa jedel járdem kólikteri keledi
NUR-SULTAN. QazAqparat – Almaty qalasynyń ákimi Baqytjan Saǵyntaev koronavırýske qarsy statsıonarlardy jabdyqtaý jumystary týraly aıtty, dep habarlaıdy QazAqparat tilshisi.
«Bir aıda jergilikti, respýblıkalyq bıýdjet jáne demeýshilik kómek esebinen qalaǵa 308 ókpeni jasandy jeldetý apparaty jáne 2022 ottegi kontsentratory ákelinedi. 55 jedel járdem mashınasy keledi dep kútilýde. Qosymsha Qazaqstannyń Damý Banki arqyly taǵy 35 jedel járdem kóligin jetkizý máselesin pysyqtap jatyrmyz», - dedi ákim Úkimet otyrysynda.
Sonymen birge, statsıonarlardy medıtsınalyq gazben ortalyqtan qamtamasyz etý jónindegi qalalyq baǵdarlama iske asyryla bastady.
«10 qyrkúıekke deıin 8 bazalyq statsıonar ortalyqtandyrylǵan ottegimen qamtamasyz etiledi. Olardy aıaqtaǵannan keıin – qalǵan statsıonarlar boıynsha jumysty jalǵastyramyz. Barlyq kovıdtik statsıonarlarda káriz aǵyndylaryn zararsyzdandyrý júıesiniń qurylysy bastaldy. Sonymen birge, árbir ınfektsııalyq klınıkanyń janynda medıtsınalyq qaldyqtardy joıatyn zamanaýı stantsııalar salynady. Bul eki baǵyt ta qyrkúıek aıynda aıaqtalady», - dedi Baqytjan Saǵyntaev.
Aıta keteıik, Almatyda 10 955 COVID-19 juqtyrý jaǵdaıy tirkelgen. Onyń ishinde 6 341 adam nemese 60% emdelip shyqqan, 73 adam (0,68%) koronavırýstanqaıtys bolǵan.
Koronavırýs pandemııasynyń ekinshi tolqynyna daıyndyq sheńberinde Almatyda birneshe gospıtal ashylady.
