Almatyǵa jańa avtobýstar keldi

ALMATY. QazAqparat - Almatyda syıymdylyǵy úlken 10 qoǵamdyq kólik 12 baǵyt boıynsha júretin bolady, dep habarlaıdy QazAqparat tilshisi.

«Almatyelektrotrans» JShS «Zhongtong» markaly jańa avtobýstardyń alǵashqy legin satyp aldy. Jaqyn kúnderi, memlekettik tirkeýden jáne synaqtan ótedi. Sodan keıin № 12 qoǵamdyq kólik jolaýshy tasymaldaýǵa shyǵady. Atap aıtsaq, «Qazaqstan» qonaqúıinen (Dostyq dańǵylynyń buryshy – Qurmanǵazy kóshesi) Medeý muz aıdynyn qatynaıtyn bolady. Avtobýs tabıǵı gazben (CNG) júredi. Qoǵamdyq kólikke aýabaptaǵysh pen beınebaqylaý ornatylǵan.

Tasymaldaýshy kompanııanyń habarlaýynsha, avtobýstar arnaıy qalalyq jolaýshylar tasymaly úshin jasalǵan.

Avtobýstyń syıymdylyǵy - 104 adam, 22 otyratyn oryn jáne qımyly shekteýli jolaýshylar úshin 3 oryn bar.

Sodaı-aq, «Almatyelektrotrans» JShS áýejaı men qalanyń yqshamaýdandaryn baılanystyratyn № 92 baǵyttaǵy kólikterdi jańartýdy josparlap otyr.

Buǵan deıin, Almatyda jańa №105 baǵyt boıynsha júretin avtobýs týraly habarlanǵan bolatyn.